29March2024

NON-GOVERNMENTAL ORGANIZATION IN SPECIAL CONSULTATIVE STATUS WITH THE ECONOMIC AND SOCIAL COUNCIL OF THE UNITED NATIONS

Buyono: hcomo al a Suryoye bi Qamishlo

U Huyodo Suryoyo Tibeloyo wa Huyodaydeh b-awyutho qwitho ne ‘am u Sootoro bi Qamishlo u lo kmaqbli ayna gabo, gayso aw ‘amo nukhroyo d-qoyem mqabel du ‘amo Suryoyo wa noturaydeh!

12 January 2016

Meqem m-kul mede, kimqadmina a buyo’aydan li iqartho du ‘laymo Suryoyo, Gabi Daoud. Bithir mu hcomo da Kurdoye bramshel, nafel sohdo u gaborano u noturo di Suryoyutho. Hreno mcareh, killeh b-qento du mawto u ktulbina leh haylo u hulmono.

U hcomano ‘al u ‘amo Suryoyo latyo lo i naqa qamayto, u lo i naqa harayto. Meqem tarte shabe, hzinina kulayna ‘al u qatlo mayiro d-9 Suryoye bi Qamishlo. Meqem zabno ste, hzelan u shame’ina d-be aydarbo ahuno Suryoyo qayem mqabel du ahunaydeh u mcarahleh u qtileh u ahunaydeh u Suryoyo.

Qay kowen a mdonani? i ‘eltho aw u sebab munyo?

Ya ‘amo Suryoyo mahes! Mahway i hiruthaydokh, i shariruthaydokh wi gaboruthaydokh!

Qamishli1

Hul d-kito gabe bayn u ‘amo Suryoyo d-kayfi rishayye taht u amro u taht i maslaha d-‘ame nukhroye, gid-mibez admo Suryoyo zakoyo bu athro da babaydan.

U Huyodo Suryoyo Tibeloyo kkoreh a qatlani wi gre‘yutho. Ksoyem qrayto lu ‘amo u li ‘ito, d-haw maqbli fayesh i gre’yuthathe, wi khiyenathe, u d-futhi ‘aynothayye li sharirutho. Ha kmoyed u m‘ash wu qolaydeh ma ‘Araboye, u hreno kmoyed u m‘ash wu haylaydeh ma Kurdoye.

Mawkha ahna kseymina qrayto lu ‘amo u li ‘ito, d-howen mahise u d-qaymi ‘amayna d-fulhina ‘am hdode b-hdoyutho sharirto lu ‘amaydan. I hdoyuthathe bas kiba dobo fire inaqa d-huwena hire, u lo gre‘e taht u amro wi maslaha d-‘ame nukhroye, khid a Kurdoye, ‘Araboye aw Turkoye.

Elo ahna hire na u latna masre b-gabe aw shutose d-‘ame nukhroye. Ahna bas khadome na du ‘amo Suryoyo u kmasrina hasayna bas bu ‘amaydan. U Huyodo Suryoyo Tibeloyo wa Huyodaydeh mu ‘amo Suryoyo ne, bas meneh kmaydi u haylathe, u bas li umtho Suryeyto kkhudmi.

A qatole du sohdo brikho, Gabi Daoud, idi‘e ne. U malasef (hbol rabo), hin mu ‘amo Suryoyo kkayfi rishayye qum a qatole du ‘amo Suryoyo. Basyo u ‘aybano wi htithathe i rabtho!

TIHE UMTHO SURYEYTO
NIHE ‘AMO SURYOYO HIRO

Click here to download the press release in pdf

Qamishli2

Qamishli5

 

 

 

Newsletter

Please enter your e-mail address in order to receive the latest WCA news!